ओझेल भित्रका सचेतना अभियान
No icon

महिला पहिला अभियानमा तिनाउ

एक सय १६ ओैं अन्तर्राष्ट्रिय महिला दिवसकाे अवसरमा तिनाउ गाउँपालिकामा गठित महिला समन्वय समितिले महिला सशक्तिकरणका लागि क्षमता अभिवृद्धि तालिम आईतवार दाेभानमा सम्पन्न गरेकाे छ । 

तालिम समापन कार्यक्रममा बाेल्दै तिनाउ गाउँपालिका अध्यक्ष एवम् कार्यक्रमका प्रमुख अतिथि प्रेम श्रेष्ठले तिनाउ गाउँपालिकाले "महिला पहिला" बनाउने अभियानलाई जाेड दिएकाे बताए । त्यसका लागि महिला सशक्तिकरण र आयमुखी कार्यक्रम सञ्चालनका लागि अध्यक्षसँग ईलम कार्यक्रम रहेकाे बताए । तिनाउ गाउँपालिकाले कृषि,पर्यटन,पशुपालन र उद्यमशीलतामा जाेड दिदै अघि बढेकाे उनले जानकारी दिए । अन्तर्राष्ट्रिय श्रमिक महिला दिवसका अवसरमा उनले महिलाहरुलाई नेतृत्वका निम्ति तयार रहन समेत सुझाए । कार्यक्रमका विशिष्ट अतिथि गाउँपालिकाका उपाध्यक्ष लालबहादुर थापाले अन्तर्राष्ट्रिय श्रमिक महिला दिवसमामात्र अधिकारका कुरा नगरी समावेशी तरिकाले सदैव अघि बढ्नु पर्नेमा जाेड दिए । महिलाहरुलाई सशक्तिकरण गर्दै उद्यमशीलतामा जाेड दिनुपर्ने उनकाे तर्क थियाे । पालिकाले उद्यमी महिला निर्माण गर्दै स्वराेजगारमा जाेड दिएकाे बताए । सीपलाई श्रमसँग जाेड्नुपर्ने उनले बताए । 

तालिमकाे सहजीकरण सामाजिक अभियन्ता दलबहादुर गुरुङले गरेका थिए । उनले अन्तर्राष्ट्रिय श्रमिक महिला र नेपाली महिलाकाे अवस्था,लैङ्गिक समता,महिला उद्यमशीलता र महिला सशक्तिकरण विषयमा सहजीकरण गरेका थिए । 

तालिममा तिनाउ गाउँपालिकाभित्र रहेका ६ वटै वडाका ३० वटा महिला समूहहरुकाे सार्थक सहभागीता रहेकाे थियाे । तालिममा सहभागीका तर्फबाट दुर्गा भण्डारी,गाेपिका पाैडेल,बस्याल र पम्पा मगरले तालिम प्रभावकारी रहेकाे र निरन्तर सञ्चालन हुँदा महिलाहरु सक्षम र सबल हुने उनीहरुकाे भनाई थियाे ।

Comment As:

Comment (0)